Breast Cancer Ki Alamat Aur Wajuhat | Chati Ka Cancer

Breast Cancer Kya Hai?

Breast (Chati) ka cancer aik aisai rasoli hai jo k chati kay khuliyat main ghair mamoli ziadati ki bina per banti hai. Ye Kisi khatoon ki chatiyon k tissue aur is main bhi ziada tar dhood ki naliyoon ki androoni dewar yaa in naliyoon kay doodh kay zakheron main paida hota hai. Breast cancer ki kai iqsam hain jo k mukhtalif marhlon, shidat aur jinyati (genetic) make up k hamil hote hain. Is marhle main sehatyabi or baqa ka inhsar bhi isi baat pay hota hai k wo kis qisam ka cancer hai. Breast cancer ki alamat buhat sari hain jin ki madad say ap khud is marz ki tashkhes kar skti hain aur bar waqt is ka ilaj krwa sakti hain.

Balogat ki umar ko pohanchne kay bad aik aurat ki chati chiknai, azlaat or gadood ka majmooa hoti hai. Jahan say doodh ban kar nipples tak pohanchta hai.  Breast cancer ki do surten ho sakti hain.

  • Pheli surat main cancer ka cells dhood wali naliyoon main ban jatay hain aur tezi say taqseem ho k in naliyoon main rokawat paida karty hain.
  • Dosari surat main charbi k khuliyaat main cancer k cells paida ho jatay hain aur dosary khuliyaat ki nashonuma main rokawat ka sabab banty hain.

Breast Cancer Ki Alamat

  • Breast Cancer ki alamat yeh hai sab say pehle chati ya bagal main aik takleef da ghutli ya phorra zahir hota hai. Agar yeh ghutli numaya na bhi ho tu chati ya bagal main mosalsal hone wala dard bhi is ki alaamaat main shamil hai.
  • Breast cancer ki surat main chati ki jild pay aik surkhi ya chamak namudar ho jati hai.
  • Chati kay nipples say khoon ya kisi ratobat ka ikhraj ho tu yeh bhi breast cancer ki alamat hai.
  • Breast kay size main achanak tabdeeli bhi breast cancer ki alamat hai.
  • Breast k nipples main kharish ya kisi badbo dar maday ka ikhraj bhi cancer ki aik surat hai.
  • Agar nipples yah is kay ird gird ki jaga ki rangat main tabdeli waqya ho yah kisi qisam ka garhay ya shaklen namudar ho tu yeh bhi breast cancer ki amalat hai.
  • Apni mahawari k dardon ko note karen. Agar periods k duraan dono chatiyon main ghair mamoli dard mehsos ho aur yeh dard na kable bardasht ho tu foran apny doctor say rajoo karen yah breast cancer ki alamat hai. Agar dard halka sa aur qabal e bardasht hai tu koi fikar ki bat nahi.
  • Agar kisi khatton ko pehle say hi aik chati main cancer hai tu dosari chati main cancer honay k imkaan buhat bhar jatay hain isay aam tor per “naya cancer” ya “dosara cancer” kehtay hain.

Breast Cancer Ki Alamat
Breast Cancer Hony Ki Surten

  • Age factor bhi breast cancer main buhat eham kirdar adaa karta hai. 25 sal say kam umar aurton main breast cancer kay imkan shazo nadar hi paye jatay hain jab k umar bharne k sath sath cancer honay ka imkan bharta chala jata hai.
  • Family ki history bhi khatary ka aik aamal hai. Agar family main kisi aurt ko yah marzi lahaq ho jaye tu baki aurton k bhi is say mutasar hony k imkan bhar jaty hain. Maa baap dono tarf kay rishtadaron ki ehmiyat hoti hai. Agar maa behan ya koi aur kareeb tareen rishtadar khatoon ko yeh marz lahaq ho jaye tu mutalka aurt kay liye yeh khatra 4 guna bhar jata hai. Aur yeh morosi marz nasal dar nasal muntikil ho jata hai.
  • Mahwari bharane waly awamal bhi breast cancer ka sabab banty hain. Harmons ka bigar aur astragin k asraat ki wajah say breast cancer ho skta hai.
  • Agar maa bache ko doodh na pilaye tu bhi breast cancer kay imkan bhar jatay hain.
  • Jis tarah degar bemariyon k liye khorak asar andaz hoti hai is tarah breast cancer main bhi is ka gehra taluq hai. Lehaza smooking or sharab say gurez karen, zaida gosht aur murgan ghizaon say door rahen. Apni khorak main taza phal, sabziayn aur rashadar ghizaon ka istamal karen.
  • Masbat life style apnayen, halki pholki warzish or walk ko apni zindagi ka mamol banayen ta kay dil k amraz, diabetes aur high blood pressure jaisy mozi amraz say bacha jaye kion k yeh factor bhi breast cancer honay k imkan ko bharatay hain.

About Saimarashid

I am a Blogger Since last 5 years, Now I am working on my blog stylo guide & providing people to Desi Totkay, Beauty tips, and Health Remedies.

Leave a Reply

Your email address will not be published. Required fields are marked *